Postby Neg Timid » Fri Jun 17, 2016 2:06 am
Fòk Baby1King fè anpil atansyon avèk ekspresyon l'ap itilize. Yon senp ti mo ou itilize ka kondane w. Mo avèk ekspresyon se pa bagay moun jwe avèk sa. Tout Ayisyen konnen sa ekspresyon « Son lari » vle di nan Konpa Dirèk nou an. Pou n klarifye, men sa Baby1King te di de Dener Ceide avan:
« A quality producer. L'ap ba w mizik de kalite. Bèl tèks ak melodi. L'ap ba w pas la... Kounyeya se ou kòm atis ki pou fè l rive sou moun yo. My only issue with him is that li pa gen son lari a. His compositions are not "lari certified." »
Men sa misye vin di kounyeya: «Nan sans Dener pa lari a, mwen vle di li pa sonnen menm jan ak anpil lòt. »
Se Ayisyen nou ye, nou tout konn pale Kreyòl, menm lè kèk nan nou pa fè efò pou ekri l byen. Si nou byen konprann, n'ap reyalize ke Baby1King vire bouch li (se li ki konn pou ki rezon). Lè w fin fè nèg la tout konpliman sa-a, epi apre ou deklare, sèl ti pwoblèm ou gen avèk li, li pa gen son lari a ("my only issue with him is that li pa gen son lari a"); sa vle di pou ou, menm lè misye ap konpoze bèl mizik, se mizik pou moun chita tande nan salon lakay yo; men se pa mizik ki ka rive sou moun. Paske si mizik li yo pa gen son lari a, sa vle di yo pa genyen ladan yo son ki atire piblik la, yo pa gen son ak groove k'ap mache pou moman an...
Si kounyeya ou vin di, men sa w te vle di « se sonnen li pa sonnen menm jan ak anpil lòt »; ou vin kreye anpil konfizyon nan lespri moun. Mwen si-e-sèten se rezon sa-a menm ki fè ou vin klarifye tèt ou. Li klè ke sa w te di avan avèk sa w vin di kounyeya kontrevèse lòt. Paske yo chak gen pwòp entèpretasyon pa yo.
Tèt Anplas !
NT
Facebook/: Les Jean-Philippe
