Postby Neg Timid » Tue Apr 12, 2016 2:11 am
Tan pou m fè m bak?
Mwen pito peye pouse m !
Olye mwen fè bak?
Mwen pito peye pouse m !
Gen bagay ou pa aprann:
Lè-w granmoun !
Tankou file fanm
Lè-w granmoun !
Nan monte bisiklèt
Lè-w granmoun !
Souse dwèt !
Djaz sa-a pa gen manti:
Ditou !
Se san diskisyon...
Si w kwè m manti
Mande fanatik:
Se tan pa m
Se lè pa m
Moman pa m
Se sa k fè ou pa ka kenbe l !
Anmweyyyyyyyyy !!!!!!
NT
you forgot to add
"POZO Bale yo"
Neg Timid mwen gon'w ti slogan, di'm sa'w panse
"tan pou'm gen Look
Mwen pito gen Klass"
"Lajan ka chte Look
men li paka ba'w Klass"
Li fè anpil sans. E se egzakteman sa anpil nan fanatik malad Nu Look yo manke isiya, yo manke klas. Psikolojikman, yo dezekilibre, yo pa byen balanse. Lè w pa gen yon ti plas nan kè w pou apresye zèv yon lòt moun, pou mwen, ou se yon eleman ki trè danje pou lasosyete. Nèg yo gen yon mantalite Donald Trump, tout bagay se yo.... Depi l pa yo, li pa bon. Menm lè sa yo pa renmen an gen anpil valè, yo pase l anba pye, tankou li pa anyen, jis pou yo ka montre se yo ki pi bon. Lè w kon sa, w'ap fè nenpòt bagay pou elimine advèsè w pou se ou ki toujou parèt. Sa fè w trè awogan e vyolan. Ou toujou ap joure tankou machann pwason nan kwabosal, epi se chak jou ou nan yon diskisyon kontrevèse avèk yon moun.
Mwen pa kwè fanatik Klass vrèman rayi Arly. Okontrè nou toujou bay Arly kredi l. Men konbyen fwa ou wè yon fanatik Nu Look bay Richie valè li merite? Mwen ka pran egzanp sou mwen. Menm kote m'ap fè ti kritik sou Arly a, se menm kote a tou m'ap voye l monte. Mwen pa janm souzestime konesans Arly nan mizik. Mwen toujou di sa isiya, Arly se yon gwo bout tonton mizisyen ki gen anpil talan. Pou akonpli sa l fè deja fòk ou bon anpil. Imajine w, Arly pran yon sèl istwa a, yon sèl sijè a, li devlope l nan plizyè mizik ki fè gwo enpak. Konbyen moun ki ka fè sa?
Petèt mwen menm, antan yon moun ki ka kreye tou, e ki gen yon imajinasyon ki ekstrèmman avanse; mwen jis pa twò enpresyone avèk sa. Men sa pa vle di mwen pa rekonèt talan li genyen pou l fè sa. Se lè w pa ka kreye ou aksepte nenpòt bagay. E m pa panse kon sa paske m konnen se limit Arly sa. Mwen konnen li ka fè plis ke sa toujou. Mayestwo a pè eksplore lòt teren. Li jis bay fanatik li yo sa yo mande l. Pliske m pa yon fanatik mwen pa oblije aksepte.
Si nou ka rekonèt valè Arly/Nu-Look, pouki ou menm ou pa rekonèt valè Richie/Klass? Nan moman an, Nu Look se sèl djaz vre ki ta ka taye zèb anba pye Klass. Men pa avèk Arly kòm premye chantè. Daprè nou, si Gazzman te nan Nu-Look toujou, nou panse Klass te ka ap vale teren kon sa san konpetisyon? Paske menm lè ou tande tout bagay, Konpa Dirèk la, se konpa cho a, konpa pike devan an. Se li ki vrè eritaj Nemours kite pou nou an. E se li tou, depi l frape ou anvi leve danse. Tout konpa love, konpa dous, malgre yo trè agreyab nan zòrèy, se jis "icing" yo ye sou gato a. Bon melomàn Konpa a se bon jan Konpa li tande, li pa al nan bal pou l'al ouvri 2 bra l, ap chante avèk 2 zye l fèmen tankou Bòs Genel aka Joudre konn fè lè l'al nan Nu-Look [lol]; l'al nan bal pou l'al bwè gwòg li epi l'al tande bon jan Konpa nan wèl li. Mwen te di sa deja e m'ap repete l ankò, Arly pa vrèman yon top chantè Konpa Dirèk. Pran Pipo, pran Gazzman, pran Réginal ba yo chante yon bon mòso Konpa Dirèk epi bay Arly chante menm mizik la n'ap wè sa ki manke a...
Yon fanatik malad Nu-Look gendwa panse se paske m rayi Arly sa k fè m di tout bagay sa yo. Non, pwen ditou. Okontrè, se paske mwen ta renmen wè yon Nu Look solid, Nu-Look lontan an, bon Nu Look Abò a. Nu Look kounyeya, pou mwen, se yon Nu Look dlo sikre, yon Nu Look ki vin pi dous ke pi pike. Rezon an klè, Arly pa ka chante devan djaz la sou menm tempo avèk Gazzman, li oblije ralanti djaz la....
Antouka, mwen ta fè tout rès nwit la ap koze avèk nou. Men fòk n'ale, nou oblije kraze rak. Mwen swete nou li m avèk yon espri ki ouvè. Mwen pa janm vini pou kraze. Mwen toujou wè avansman Konpa Dirèk la avan tout lòt bagay.
NT
Facebook/: Les Jean-Philippe
