GAZZMAN DISIP CD: Min opinion DOF CHANCY sou li!

[kompamagazine]

__________________________________________



*KOMPA MAGAZINE: DOF, is your agency still working with GAZZMAN? If yes, what can you do for him and DISIP with this CD; if you could not do anything for him before?
DOF: "MORT PA VIN KOT JESUS APRES YO FIN MOURI. SE AVAN OU MOURI POU TCHEKE JESUS. LOL. GAZZMAN DISIP gin yon GRO CD nan min yo. Ou pral oue diferans nan. Gazzman gintan gin Paris ak Les Antilles nan agenda li. CD sa gin anpil potensiel pou fe anpil bagay. LI GIN YON HIT ak mizik numero 10 la "ETAP", epuis mizik ki rele "KLERE YO" a pral fe dezod. LI GIN BAGAY NAN MIN LI. Gad sa ki pral rive ak GAZZMAN DISIP ak plak sa. Ou pral we yon bagay. OU PRAL OUE SA MWEN PRAL FE AVEK CD SA."

KM!

[Neg Timid]

Mwen kontan anpil pou Gazzman. Lavi a se sa l ye, ou tonbe epi ou leve avèk tèt ou byen wo. Fò w fè erè pou ka aprann. Fò k gen moun ki pou, e fò k gen lòt ki kont. San sa patap gen balans. Pa gen anyen ki monte ki pa desann, e pa gen anyen ki anba ki pap monte yon lè. Lesansyèl, se kisa w'ap fè avèk chans ou lè l rive. Se kesyon sa-a nou mete devan Gazzman?

Si yon moun pa janm pase moman difisil nan vi l, li pap konn kòman pou l apresye bèl moman ki gen pou vini, lè l vin nan tèt jwèt li l'ap mennen. Se sa k balanse vi a. Nou sonje m te di nou sa deja isiya, n'ap viv sou youn nan planèt dyalite (dualité) yo = Byen ak Mal, eke nou pa dwe janm bliye ke dezakò kreye lamoni (harmonie) nan linivè antye, pou nou ka fè ladiferans ant limyè ak tenèb, ant zewo ak lenfini, ant sa k bon nèt (syèl) ak sa k mal fini (lanfè) ak tout sa k'ap viv, flote, naje, vole nan mitan de (2) inite sa yo.... (Pawòl anpil nan pwen tan)

Jiska prezan, li klè ke tout moun ki gen chans tande CD a satisfè. Menm moun ki pa fanatik dakò ke se yon trè bon albòm. Tout mizik yo bèl. Ou ka santi gwo efò ki fèt pou reyalize yon bèl pwojè kon sa. Sa m pi renmen e pi kontan, Gazzman fè yon gòl anpil moun pa't panse li te ka janm fè; li ekri yon megahit sou vi l: « J'ai Brûlé Les étapes. » Se mizik sa-a k'ap fè plis bri deyò a sou CD a. Se youn nan pi bèl tèks ke m tande nan dènye ane ki pase yo. Bèl kout plim Gazzman ! Se mwen Nèg Timid ki di w sa, ou dwe fyè de sa.

Mwen aprann anpil bagay de Gazzman ke m pa't janm konnen avan. Pafwa ou konn wè yon moun ap griyen dan l chak jou, men sa pa vle di se kontan li kontan pou sa. Gen moun ki konn kòman pou yo fè je yo chèch pou moun pa janm konnen pwoblèm y'ap konfwonte. Istwa Gazzman sa-a se yon istwa ki touche menm moun ki gen kè ki pi di sou tè a....

Mwen swete Disip mete machin pwomosyon l deyò pou pouse CD sa-a. Mwen pa konn konbyen videyo yo gen entasyon pou yo fè. Men 3 mizik sa yo se kle pou yo fè videyo avèk yo: « San Manti (avèk Dener Ceide ladan l), It Doesn't Matter (avèk Jessie B. ladan l), J'ai Brûlé les étapes. » Li enpòtan pou atis envite sa yo parèt nan videyo yo. Si Gazzman konnen li pap gen mwayen pou l mete yo, li pa menm bezwen fè videyo avèk mizik sa yo....

Pou yon lòt fwa n'ap di Gazzman/Disip Konpliman ! Yo gen bagay nan men yo pou yo fè bagay.

NT