JANVIER SOU SI TOUT JAZ TA SUPOZE TOUCHE MINM KOB POU KANAVAL

[kompamagazine]

___________________________________________________



Nou mande ancien manager ROCKFAM nan...e personalite HMI ADOLPHE JANVIER "sa"

*KOMPA MAGAZINE: Eske d'apres ou TOUT JAZ ki sou cha nan kanaval ta supose touche MINM KOB LA; ou bien ou pense ke chak jaz ta supoze touche DIFERAN KOB selon sa w pote pou kanaval la?

ADOLPHE JANVIER: "Tout djaz ta sipoze touche yon kòb diferan Pat. Banm eksplikew nan sans pa'm. Ou wè Ayiti ak Ayisyen, li lè li tan pou peyi sa respekte valè. Li lè pou piti respekte ak onore pi gran. Li lè pou Ayisyen kwè nan senyorite. Menm si nou vle fè domkrasi sa pa vle di pou nou tout menm longè ak menm wotè.

Djakout ak T Vice gen pase 20 ans yo ap fè bel kanaval epi yo ap kraz beton an. Yo gen 20 ans ke yo toujou pami 4 chanpyons yo; e anpil fwa chanpyon. Nnou pa ka deside ke lòt jazz ta dwe touche menm kób ak yo. Sa nou fè de 20 an sakrifis yo a, 20 an mizè, strès, desepsyon, goumen ak komite, lapolis ak vakabon. Nou dwe respekte sa.

Grenn djaz mwen te ka mete nan nivo sa apre, se ta King Posse men li pa sa li te ye a anko. Apre sa nou ka mete ekip Kreyol la, Carimi, Rockfam ak BC.

An gwo mwen pa dako bagay tout menm menm kob la. Se atitid sa ki fè ninpot kin poko menm kite pipi konprann li ka jwe nan bab ninpot granmoun. Nan lame, sou batay ou fè ou genyen epolèt."

KM!